Mochilas viaxeiras 2017-2018

A semana pasada as alumnas e os alumnos de 6º de Educación Primaria prepararon e levaron ás clases as mochilas viaxeiras. Fixeron un bo traballo e unha moi boa selección. Esperamos que vos goste!

Plan de Lectura 2017-2018

Novidades novembro 2017

Exposición sobre África

Na entrada do edifico sur do colexio podedes ver unha exposición sobre libros e revistas relacionadas con África que, como sabedes, é o continente sobre o que estamos a traballar en relación ao proxecto de Biblioteca deste curso.

EL MEJOR CORTO DEL MUNDO PARA FOMENTAR LA LECTURA

BENVIDA AO CURSO 2017-2018

Lendo a Carlos Casares

RECOMENDACIÓNS LECTORAS PARA O VERÁN

Velaquí tedes o boletín de recomendacións lectoras para estas vacacións de verán. Seleccionamos lecturas moi interesantes para todas as idades. Pero, claro, hai moitas máis. Nas librerías e nas numerosas bibliotecas (Biblioteca Anxel Casal, bibliotecas dos Centros Socioculturais...) que hai no noso Concello hai moitísimos libros nos que poder escoller. Desexámosvos un bo verán lector!

A GALIÑA AZUL

O venres pasado, os alumnos e as alumnas de 5º e 6º de Educación Primaria representaron no colexio a obra "A galiña azul", da que é autor Carlos Casares, o escritor a que se lle adica este ano o Día das Letras Galegas. Esperamos que vos goste.

Padriños e madriñas lectoras 2017

Este martes pasado no colexio fixemos unha actividade de padriños e madriñas lectoras que, como vedes, consiste en que os alumnos e as alumnas de cursos avanzados de Educación Primaria (desta vez decidiuse que fosen de 4º, 5º e 6º) lles lesen aos alumnos e alumnas dos primeiros cursos de Educación Primaria e a Educación Infantil. Desfrutamos dun día estupendo e, como vedes nas imaxes, pasámolo moi ben.

O CONTO VIAXEIRO

Este pasado mércores"O Conto viaxeiro", organizado desde o Concello de Santiago e, levado a cabo por Ruth e Sino, levouse a cabo no noso colexio. Aquí os alumnos e as alumnas de 1º e 2º escribiron unha parte do conto deste curso. Nela, falan dun neno que se chama Miguel. Esta historia, e moitas cousas máis, podedes lelas na páxina web de O Conto Viaxeiro se premedes no enlace.

CONTOS EUROPEOS

GUÍA DE GRECIA

Aquí tedes a guía de Grecia que elaboraron os alumnos e as alumnas de 5º e que van expoñer proximamente. Esperamos que vos goste!

DÍA DO LIBRO 2017

Este pasado venres celebramos no noso colexio o Día do Libro. Os alumnos e as alumnas das diferentes aulas de Educación Primaria foron relatando contos dos países europeos sobre os que están a traballar. O alumnado de 1º contou a lenda "O holandés errante", dos Países Baixos. De segundo foi a historia "O pastor e o lobo", de España. Os alumnos e alumnas de terceiro contáronos "Confundindo historias", de Gianni Rodari, un escritor italiano. De cuarto foi o conto "Carapuchiña Vermella", de Perrault, representando a Francia. O alumnado de 5º narrou a lenda de "O león e o rato", de orixe grego. Finalmente, os alumnos e alumnas de sexto contaron "O flautista de Hamelin", un conto popular alemán. Para rematar a celebración, todos e todas cantamos a canción "Aprender Europa cantando".

VISITA DE FINA CASALDERREY

Este pasado xoves recibimos a visita de Fina Casalderrey, unha das máis importantes escritoras galegas na literatura infantil, toda unha vida dedicada a contar e escribir historias moitas delas inesquecibles, como as que leron os nosos alumnos e as nosas alumnas: “Dúas bágoas por máquina”, “O estanque dos parrulos pobres”, “O misterio do faro vello”, “Historia da bicicleta dun home lagarto”, “Chamizo” ou “Icía quere cambiar o mundo”. Contounos moitas experiencias da súa vida e como influíron na súa escritura. Foi moi interesante!

NOVIDADES EN ABRIL

MENSAXES DE ZAMPACONTOS PARA O TERCEIRO TRIMESTRE

Onte mércores Zampacontos deixounos no globo da entrada novos mensaxes dicíndonos cales eran as novas actividades que nos propoñía para este terceiro trimestre do curso.

A POESÍA VIAXEIRA

TEATRO: O PAPÓN

Onte os alumnos e as alumnas de 5º de Educación Primaria foron representar a obra de teatro "O Papón" para os nenos e nenas de Educación Infantil. Foi un grande éxito, porque a prepararon moi ben!

Participamos na XVII Campaña Municipal de Animación á Lectura

Este venres pasado os alumnos e alumnas de 1º e 2º de Primaria, máis o alumnado de Educación Infantil,  fomos a Santiago, á Galería Sargadelos, participar na XVII Campaña Municipal de Animación á Lectura, na que colaboran o Concello de Santiago, a Galería Sargadelos e a editorial Kalandraka. Alí Bea e Pablo contáronos varios contos: “Unha última carta”, de Antonis Papatheodoulou, con ilustracións de Iris Samartzi; “Que fai falta?”, de Gianni Rodari, traducida por Xosé Ballesteros Rei e ilustrada por Silvia Bonanni; Janosch Crebacabezas, con ilustracións de Janosch e “Os tres porquiños”, con texto de Xosé Ballesteros e ilustracións de Marco Somà.

Finalmente, puxéronos un vídeo do grupo Migallas, coa canción “Mamá Gatiña” disco "Canta connosco".

Foi moi entretido!

Tamén tivemos moita sorte, porque a pesares de que foi un día de choiva, e houbo un anaco que tivemos que esperar a cuberto para que escampara (menos mal que no casco antigo de Santiago os nosos antergos construíron soportais para protexerse do mal tempo!) finalmente ata saíu o sol cando fomos coller o autobús.